工人心聲
引進外勞令香港本地工人嚴重開工不足，好多工友冇嘢做，地盤佬最捨得飲食，現時不夠工開，不敢出街消費亦影響香港經濟。外勞工作賺錢會返回內地消費，不會停留在本港消費。對香港促進經濟毫無幫助，只會令本港工人更多人失業，更多人不敢出街消費。
現時由於外勞來到本港工作，自己大半個月搵唔到嘢做，有D工友兩三個月冇嘢做，我地嘅飯碗比D外勞搶曬啦！唔通真係要翻內地鄉下耕田？最起碼要比政府知道有幾多人冇工開，希望政府可以停止輸入外勞咯。
已經好多日冇工開了，被逼到想講又講唔出。想做少少野，但又因會觸犯法律，所以唔去做。但又好想表達呢種憤怒嘅心情。
最好政府能終止外勞來工作。呢個月來，下個月又來，是甘來。全部香港人都要失業了，玩完了。香港消費貴，住又貴。本地人冇工開，邊得來消費，外勞來到包住，賺到錢回內地消費，香港冇消費，外勞一來我地全部失業，香港地少人多，乜嘢都經貴，我地搵食談何容易？
請問政府請埋勞工入香港做嘢，賺啲錢有冇係香港消費一分？本地勞工穩啲錢係唔係多數都係香港洗埋？本地勞工需要交租，水電費政府有份收，交稅又要收，根本冇法生存。再咁落去全部去申請綜援嘎啦！
現時外勞一來，今年已經咁多人失業。仲話不斷增加外勞，各行各業都有，明年分分鐘冇話掃地工，清潔工。乜工都冇得做。全部外勞做曬。外勞冇話包住，連交通費都包埋，賺到錢就翻回內地。香港人就咩都要交費，搵得多錢就要交多啲稅，宜家失埋業，冇收入，連生存都成問題。香港經濟點能夠唔差？
請外勞包飯包住，交通費都唔洗，我地香港人所有野都係靠我地自己。我覺得對於每一位本地工人來講好唔公平。希望政府用香港納稅人D錢去關照翻本地人先。
“政府叫生BB比一萬蚊，宜家市道邊敢生啊，又冇工開，開支咁大，如果日日有工開可能仲考慮會生。”
“我們都十分感謝政府為我們提供就業機會，懷著感恩的心，一直以來兢兢業業對工作絲毫不敢有任何怠慢，希望香港政府可以控制輸入外勞，過度輸入勞工而導致本港居民都冇工返。另外，香港居民在港搵生計，有D求份工係香港來養個家庭，而且係在香港生存嘅，有D係一個人養幾口人，在港消費，在港生活，生活壓力幾大得自己知，宜家因為過度輸入勞工導致到本地居民搵工難，養家難，在港消費唔比大陸消費。非常感謝政府能關注我們反映的問題，煩擾之尚請見諒！”